आदिवासी भागातील 1.21 लाख गरोदर महिलांना, 6.51 लाख बालकांना मिळणार मोफत दुध भुकटी

0

 

मुंबई : आदिवासी भागातील 1.21 लाख गरोदर महिलांना, 6.51 लाख बालकांना मिळणार मोफत दुध भुकटी. राज्यातील आदिवासी भागातील 1 लाख 21 हजार गरोदर महिला व स्तनदा मातांना आणि 6 लाख 51 हजार बालकांना डॉ. ए.पी.जे. अब्दुल कलाम अमृत आहार योजनेअंतर्गत दुध भुकटीचे मोफत वाटप करण्यात येणार आहे. आशा सेविका, अंगणवाडी सेविकांमार्फत या दुध भुकटीचे वाटप होणार आहे.

लॉकडाऊन काळात राज्यात दुधभुकटीचे उत्पादन मोठ्या प्रमाणात झाले आहे. या अतिरिक्त दुध भुकटीच्या संदर्भात मुख्यमंत्री उद्धव ठाकरे यांच्या अध्यक्षतेखाली बैठक झाली. यावेळी मुख्यमंत्री श्री. ठाकरे यांनी महानंदमार्फत उत्पादित होणाऱ्या अतिरिक्त दुध भुकटीचा वापर आदिवासी भागातील गरोदर महिला, स्तनदा माता तसेच बालकांना करण्याच्या सूचना दिल्या होत्या. त्यानुसार महाराष्ट्र राज्य सहकारी दुध महासंघांने (महानंद) डॉ. ए.पी.जे. अब्दुल कलाम अमृत आहार योजनेअंतर्गत दुध भुकटीचे मोफत वितरण करण्याचा निर्णय घेतला असून त्यासंबंधीची प्रक्रिया सुरू केली आहे. दूध भुकटीचे वितरण करण्याची ठिकाणे कळविण्यासंदर्भात ‘महानंद’ने आदिवासी विकास विभागास कळविले आहे.

आदिवासी भागातील 1.21 लाख गरोदर महिलांना, 6.51 लाख बालकांना मिळणार मोफत दुध भुकटी. राज्यातील 16 जिल्ह्यातील आदिवासी भागातील 1 लाख 21 हजार स्तनदा माता व गरोदर महिलांना प्रति दिन 25 ग्रॅम आणि 6 लाख 51 हजार बालकांना प्रति दिन 18 ग्रॅम दुध भुकटीचे वितरण अमृत आहार योजनेअंतर्गत करण्यात येणार आहे. या योजनेसाठी एक वर्षासाठी सुमारे 5750 मेट्रिक टन दुध भुकटी लागणार आहे. ही संपूर्ण योजना महाराष्ट्र राज्य सहकारी दूध महासंघामार्फत (महानंद) एक वर्षासाठी राबविण्यात येणार आहे.

Share.

About Author

Maintain by Designwell Infotech